Kəlağayı burulmamış saplardan əllə toxunan və ənənəvi “basmanaxış” üsulu ilə - qaynar basma naxışlarla bəzədilən ipək yaylıqdır. Adətən, kəlağayı kvadrat formasında, 160х160 sm və ya 150х150 sm ölçüdə olur. Əsrlər boyu qadınlar kəlağayını istər hər gün, istərsə də toy və yas mərasimlərində, uşaq dünyaya gələrkən və ya bayramlarda örtərdilər – bu zaman kəlağayının səciyyəsi və mənası konkret hadisəyə tam uyğun olmalı idi. Rənglərin ahəngi, təsvirlərin xüsusiyyətləri, kompozisiyanın növü, kəlağayının bağlanması üsulu, kəlağayı örtən qadının yaşı xüsusi əhəmiyyət kəsb edirdi. Hal-hazırda kəlağayı, daha çox, sahibinin özünü təqdim etməsi üsulu və həyatın istənilən məqamında dəbli geyim əşyasıdır.
Здравствуйте! Чем можем Вам помочь?